ബിജെപിയുമായുള്ള പിണറായി വിജയന്റെയും പാര്ട്ടിയുടെയും ഒളിഞ്ഞും തെളിഞ്ഞുമുള്ള ബന്ധം പാര്ട്ടി അണികളില് ഉണ്ടാക്കിയ അണപൊട്ടിയ രോഷമാണ് സിപിഎം പ്രവര്ത്തകര് ബിജെപിയിലേക്ക് ഒഴുകാനുള്ള സാഹചര്യം ഉണ്ടാക്കിയതെന്ന് കെപിസിസി പ്രസിഡന്റ് കെ സുധാകരന് എംപി. ബിജെപിയുമായി ഒത്തുതീര്പ്പുണ്ടാക്കി മുന്നോട്ടുപോകുന്നതിനേക്കാള് ഭേദമല്ലേ ആ പാര്ട്ടിയിലേക്കു പോകുന്നതെന്ന് പാര്ട്ടി പ്രവര്ത്തകര് ചിന്തിച്ചാല് അവരെ കുറ്റപ്പെടുത്താനാകുമോയെന്നും അദ്ദേഹം ചോദിച്ചു.
